កាលពីថ្ងៃទី០៥ ខែកុម្ភៈ ឆ្នាំ២០១៧ វេលាម៉ោង ១៥ និង ១០ នាទី កម្លាំងអធិការដ្ឋាននគរបាលស្រុកព្រៃនប់ បានបង្រ្កាប
ករណីប្រើប្រាស់ដោយខុសច្បាប់នូវសារធាតុញៀន មួយកន្លែង ដែលបានប្រព្រឹត្តនៅចំណុចភូមិពូធឿង ឃុំបិតត្រាំង
ស្រុកព្រៃនប់ ខេត្តព្រះសីហនុឃាត់ខ្លួនជនសង្ស័យរួមជាមួយវត្ថុតាងចាប់យកដូចរាយលំអិតខាងក្រោម៖
ករណីទី១៖
១-ឈ្មោះ សុខ ពេជ្រ ភេទប្រុស ឆ្នាំកំណើត ១៩៩៦ ជនជាតិ ខ្មែរ សញ្ជាតិខ្មែរ
-ស្រុកកំណើតៈ ភូមិពូធឿង សង្កាត់បិតត្រាំង ខណ្ឌព្រៃនប់ ក្រុងព្រះសីហនុ
-ទីលំនៅបច្ចុប្បន្នៈភូមិស្រែចាមក្រោម ឃុំអូរជ្រៅ ស្រុកព្រៃនប់ ខេត្តព្រះសីហនុ
-មុខរបរៈ មិនពិតប្រាកដ
-កម្រិតវប្បធម៌ៈ ថ្នាក់ទី ៧ (ថ្មី)
-អត្តសញ្ញាណប័ណ្ណៈ គ្មាន
វត្ថុតាងចាប់យកបានរួមមាន៖
-ទូរស័ព្ទដៃ ចំនួន ០២ គ្រឿង
-សម្ភារៈសម្រាប់ប្រើប្រាស់គ្រឿងញៀនមួយចំនួន
កាលពីថ្ងៃទី០៥ ខែកុម្ភៈ ឆ្នាំ២០១៧ វេលាម៉ោង ១៩ និង ៤០ នាទី កម្លាំងជំនាញ ការិយាល័យនគរបាលប្រឆាំងគ្រឿងញៀន
បានបង្រ្កាបករណី កាន់កាប់-រក្សាទុកដោយខុសច្បាប់នូវសារធាតុញៀនមួយកន្លែង ដែលបានប្រព្រឹត្តនៅចំណុចមុខសាលាចិន
កាងហួរ ក្រុម១២ ភូមិ២ សង្កាត់២ ក្រុង-ខេត្តព្រះសីហនុ ឃាត់ខ្លួនជនសង្ស័យរួមជាមួយវត្ថុតាងចាប់យកដូចរាយលំអិត
ខាងក្រោម៖១-ឈ្មោះ អ៊ឹង សុខី ហៅក្រៅឡុង ភេទប្រុស ឆ្នាំកំណើត ១៩៨៨ ជនជាតិ ខ្មែរ សញ្ជាតិខ្មែរ
-ស្រុកកំណើតៈ ភូមិ២ សង្កាត់២ ខណ្ឌមិត្តភាព ក្រុងព្រះសីហនុ
-ទីលំនៅបច្ចុប្បន្នៈភូមិ២ សង្កាត់២ ក្រុង-ខេត្តព្រះសីហនុ
-មុខរបរៈ លាងរថយន្ត
-កម្រិតវប្បធម៌ៈ ថ្នាក់ទី ៧ (ថ្មី)
-អត្តសញ្ញាណប័ណ្ណៈ គ្មាន
វត្ថុតាងចាប់យកបានរួមមាន៖
-ថ្នាំញៀនមេតំហ្វេតាមីនទឹកកក (ICE) ចំនួន ០១ កញ្ចប់ ទម្ងន់ ០.៧៨ ក្រាម (ទម្ងន់សុទ្ធ)
-ទូរស័ព្ទដៃ ចំនួន ០១ គ្រឿង
ចំពោះករណីទាំងពីរខាងលើ កម្លាំងជំនាញកំពុងកសាងសំណុំរឿង បញ្ជូនជនសង្ស័យទៅសាលាដំបូងខេត្តព្រះសីហនុ
ដើម្បីចាត់ការតាមផ្លូវច្បាប់ ។
