ខេត្តព្រះសីហនុ៖ ថ្ងៃទី២ ខែ វិចិ្ឆកា ឆ្នាំ២០១៦ ឯកឧត្តម យន្ត មីន អភិបាល នៃគណៈអភិបាលខេត្ត បានអនុញ្ញាត្ត
ឯកឧត្តម ដូ ស៊ីគៀវ អគ្គកុងស៊ុលវៀតណាមប្រចាំខេត្តព្រះសីហនុ នៃព្រះរាជាណាចក្រកម្ពុជា ចូលជួបសម្តែង ការ
គួរសមនៅសាលាខេត្តព្រះសីហនុ ក្នុងគោលបំណងសាកសួរសុខទុក្ខ នឹងជូនពរនាឱកាសគំរប់ខួបអនុស្សារីយ៏
លើកទី៣៦ នៃទិវាបុណ្យឯករាជ្យជាតិ ៩ វិច្ឆិកា និងទិវាកំណើតនៃកងយោធពលខេមរភូមិន្ទ ឆ្នាំ២០១៦ ។
នាឱកាសនេះឯកឧត្តម យន្ត មីន អភិបាល នៃគណៈអភិបាលខេត្តព្រះសីហនុ ក៏បានរំលឹកនូវស្នាដៃរបស់បងប្អូន
យុទ្ធជន កងទ័ពរៀតណាមដែលបានពលីជីវិតក្នុងការជួយរំដោះប្រទេសកម្ពុជា ចេញពីសង្រ្គាមនាពេលកន្លងមក
នឹងបានផ្តាំផ្ញើសួរសុខទុក្ខ រួមទាំងបានជូនពរទៅដល់ បងប្អូន យុទ្ធជន កងទ័ពរៀតណាម និងអគុណដល់ភាគី
រៀតណាមដែលតែងតែជួយ ក្នុងការអភិវឌ្ឍន៏ក្នុងខេត្តព្រះសីហនុ។
ឯកឧត្តម ដូ ស៊ីគៀវ អគ្គកុងស៊ុលវៀតណាមប្រចាំខេត្តព្រះសីហនុនៃព្រះរាជាណាចក្រកម្ពុជា ក៏បានថ្លែងអំណរ
គុណជូនចំពោះ ឯកឧត្តម យន្ត មីន ដែលបានចំណាយនូវពេលវេលា ដ៏មានតម្លៃក្នុងការអនុញ្ញាត្ត ឱ្យឯកឧត្តម
និងក្រុមការងារ បានចូលជួបសម្តែងការគួរសមនាឱកាសនេះ បន្ថែមពីលើនេះផងដែរ ឯកឧត្តមក៏បានមាន
ប្រសាសន៏ថាបង ប្អូនរៀតណាមនឹងបន្តជួយក្នុងការអភិវឌ្ឍន៏ក្នុងខេត្តព្រះសីហនុជាបន្តទៀត។
ក្រោយពីកិច្ចពិភាក្សាបានបញ្ចប់ឯកឧត្តម ដូ ស៊ីគៀវ អគ្គកុងស៊ុលវៀតណាមប្រចាំខេត្តព្រះសីហនុនៃព្រះរាជា
ណាចក្រកម្ពុជា ក៏បានជូននូវកម្រផ្កា រួមជាមួយនឹងវត្ថុអនុស្សាវរីយ៏ជូនចំពោះឯកឧត្តម យន្ត មីន អភិបាល នៃ
គណៈអភិបាល ខេត្តព្រះសីហនុផងដែរ។ (រូបភាព និងអត្ថបទដោយ លោកគឹម សម្បត្តិ)
