រសៀលថ្ងៃទី២៥ ខែមិថុនា ឆ្នាំ២០២៤ លោក ម៉ាង ស៊ីណេតអភិបាលរងខេត្តព្រះសីហនុ បានអញ្ជើញសួរសុខទុក្ខលោក ហែម ឡាន់ ចៅសង្កាត់រងទី១ សង្កាត់កោះរ៉ុង កំពុងសម្រាកព្យាបាល នៅមន្ទីរពេទ្យបង្អែកខេត្តព្រះសីហនុ ស្ថិតក្នុងសង្កាត់លេខ៤ ក្រុងព្រះសីហនុ។
ក្នុងឱកាសនោះលោក ម៉ាង ស៊ីណេត អភិបាលរងខេត្ត ក៏បាននាំយកអំណោយរបស់ឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ មានដូចជា ផ្លែឈើ ១កន្រ្តក់ និងថវិកាមួយចំនួន ឧបត្ថម្ភជូនលោក ហែម ឡាន់ ចៅសង្កាត់រងទី១ សង្កាត់កោះរ៉ុង ព្រមទាំងជូនពរលោកឆាប់ជាសះស្បើយ និងបានវិលត្រលប់ទៅបំពេញការងារឡើងវិញ។
